ഇതൊഴിവാക്കി പ്രധാന ഉള്ളടക്കത്തിലേക്ക് പോവുക

ചീനച്ചട്ടി

നാളത്തെ അവധി പ്രമാണിച്ചു ഭാര്യക്ക് ഒട്ടും പതിവില്ലാത്തൊരു വാഗ്ദാനമങ്ങു കാച്ചി..നാളെ വെള്ളിയാഴ്ച അവൾക്കു വൈകീ എണീറ്റാൽ മതി...പകരം രാവിലെ നേരത്തെ എണീറ്റ് സ്നേഹസമ്പന്നനായ ഞാൻ (ചുമ്മാതെയാ വല്ലപ്പോഴും നാടകം കാണിച്ചില്ലേൽ നമ്മളെയവർ സംശയിക്കില്ലേ )ഒറ്റയ്ക്ക് ബ്രേക്‌ഫാസ്റ് തയ്യാറാക്കി ഭാര്യയെയും കുഞ്ഞുങ്ങളെയും വിളിച്ചുണർത്താമെന്നുമായിരുന്നു ആ വാഗ്ദാനം...വാഗ്ദാനങ്ങൾ കൊടുക്കാനെളുപ്പമാ ...പാലിക്കാൻ വളരെ പ്രയാസവും ...രാഷ്ട്രീയക്കാരെ കുറ്റപ്പെടുത്തിയിട്ടു  ഒരു കാര്യവുമില്ല ..എന്തായാലും വളരെ പ്രയാസപ്പെട്ടു വെള്ളിയാഴ്ച ചാടിയെണീറ്റു ...ഉശിരോടെ അടുക്കളയിൽ കയറി ...പ്രവാസികൾക്കിടയിൽ അവരുടെ പ്രിയപ്പെട്ട വെള്ളിയാഴ്ച നേരത്തെ എണീക്കുന്നവന് വട്ടാണെന്നാണ് പൊതുവെയുള്ള ചൊല്ല് ...എന്തായാലും ജീവിതത്തിൽ ഒരുദിവസമെങ്കിലും വാക്കുപാലിക്കട്ടെ എന്നുകരുതി അടുക്കളയിൽ കയറി ഉശിരോടെ ആലോചന തുടങ്ങി...ഏറ്റവും എളുപ്പമായി ഉണ്ടാക്കാൻ കഴിയുന്ന വിഭവമെന്ന നിലയിൽ ഉപ്പുമാവ് ഉണ്ടാക്കാൻ തീരുമാനിച്ചു ....ഉപ്പുമാവ് വേവിക്കാൻ ചീനചട്ടിയാണോ ഫ്രയിങ് പാനാണോ നല്ലതെന്നായി അടുത്ത സംശയം ...ഭാര്യയോട് ചോദിച്ചാൽ വാഗ്ദാനലംഘനമാകുമെന്ന ഭയത്താൽ  ഏറ്റവും വിശ്വസ്ഥനായ സന്തത സഹചാരി മൊബൈൽ കയ്യിലെടുത്തു യൂട്യൂബിൽ പരതി ....നല്ലൊരു പാചകക്കുറിപ്പ് കണ്ടു ...ചീനച്ചട്ടി അടുപ്പത്തുവച്ചു ഗ്യാസ് ഓൺ ആക്കി പാചകം തുടങ്ങി ...ഇടക്ക് എപ്പോഴോ ചുമ്മാ whatsuppilekku ഒന്ന് എത്തിനോക്കി....എല്ലാ അലവലാതികളും കിടക്കപ്പായിൽ ഇരുന്നു സുപ്രഭാതം തട്ടിവിടുകയാ😄 ....ചുമ്മാ ആവേശത്തിന് ഒരു ഗ്രൂപ്പിൽ കയറി സെൽഫിയങ്ങു പോസ്റ്റി ....cooking upma ...🙏🏻അതിനിടയിൽ ഏതോ ഒരു എരണം പിടിച്ചവൻ ചീനച്ചട്ടിയെക്കുറിച്ചു ചോദ്യശരം വിട്ടു...!ഡാ ചീന ചട്ടിക്ക് എന്തു കൊണ്ടാ ചീനച്ചട്ടി എന്ന പേര് വന്നത് എന്ന് ..?നല്ല ചോദ്യമായതിനാൽ പണ്ഡിതനെന്നു സ്വയം അഭിമാനിക്കുന്ന ഞാന് പറഞ്ഞു ...ചൈനയിൽ നിന്നും വര്ഷങ്ങള്ക്കു മുമ്പ് ഹുയാന്സാങ് വഴി വന്നതാണെന്ന് ..പുളുവാണെങ്കിലും ...ചർച്ച മുറുകി...   അല്ല എണ്ണയൊഴിച്ചു ചൂടാകുമ്പോൾ ചീ ശബ്ദം മുഴക്കുന്നത് കൊണ്ടാണെന്നായി മറ്റൊരാൾ....തർക്കം മുറുകി ...ഇടക്കെപ്പോഴോ ചൈനയുടെ രാഷ്ട്രീയവും കയറി വന്നു...ആകെ ചൂടായപ്പോൾ ചീന ചട്ടി ചൂടായ കാര്യം മറന്നുപോയി ...ഒരു കരിഞ്ഞമണം നാസാരന്ദ്രങ്ങളെ പുളകിതമാക്കിയപ്പോഴാണ്‌ ...ചീനച്ചട്ടി കരിയുന്നതായി  കണ്ടത്...പെട്ടെന്ന് ആവേശത്താൽ ...ചീന ചട്ടിക്ക് കയറിപ്പിടിച്ചു ....സ്വർഗമാണോ നരകമാണോ  കണ്ടതെന്നറിയില്ല പൊള്ളലിന്റെ വേദനയാൽ അലറിക്കരഞ്ഞു ...ചീ എന്നൊരു ശബ്ദവും ചീനച്ചട്ടിയിൽ നിന്ന് കേട്ടു ...പച്ചമാംസം കരിഞ്ഞ ശബ്ദം!!!
അപ്പോഴാണ് കൂടേ ഭാര്യയുടെ ഛീ എന്ന ആട്ടൽ കേട്ടത്...എന്റെ അലർച്ച കേട്ട് എല്ലാവരും ഞെട്ടി എണീറ്റിരുന്നു !!? മൊത്തം ഛീമയം ,
ചീനച്ചട്ടിയുടെ ഛീ വന്നതെങ്ങിനെയെന്ന് എനിക്കങ്ങു അനുഭവത്തിലൂടെ മനസിലായി....പക്ഷെ കഷ്ടം ഞങ്ങളുടെ ഗ്രൂപ്പിൽ അപ്പോഴും തർക്കം നടന്നുകൊണ്ടേ  ഇരിക്കുകയായിരുന്നു 🤕😂😂
ഗുണപാഠം :അറിയാത്ത പണിക്കു പോകരുത്...വാഗ്ദാനങ്ങൾ ഒരിക്കലും ആർക്കും സ്വന്തം ഭാര്യക്കുപോലും ഇനി മേലാൽ കൊടുത്തേക്കരുത് 🙏🏻🙏🏻🙏🏻

അഭിപ്രായങ്ങള്‍

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

ഉഷ്ണം ഉഷ്ണേ ന: ശാന്തി

ഉഷ്ണം ഉഷ്ണേ ന: ശാന്തി ...ഈ പ്രയോഗത്തെ നമ്മളിൽ പലരും തെറ്റിദ്ധരിച്ചിരിക്കുന്നത് ഉഷ്ണത്തെ  അതായതു ചൂടിനെ ചൂടുകൊണ്ട് തന്നെ ശാന്തമാക്കണം എന്നാണ് ...അത് വളരെയേറെ തെറ്റാണ് ...അതിന്റെ യഥാർത്ഥ അർത്ഥം ഉഷ്ണത്തെ ഉഷ്ണം കൊണ്ടുതന്നെ ശമിപ്പിക്കുവാൻ കഴിയില്ല- ന ശാന്തി -അതിനു മറ്റുമാർഗം ശീതളിമയാകാം മറ്റെന്തുമാകാം ...സംസ്‌കൃത പദത്തെ കൂട്ടിവായിച്ചതിൽ പറ്റിയ ചെറിയൊരു പിശകാണ് വലിയൊരു വിരോദാഭാസമായി മാറിയത് .വ്യാകരണം പറയാനല്ല ഞാനിതു സന്ദർഭവശാൽ പറഞ്ഞത്...ഇതൊരു അനശ്വരമായ ലോക സത്യമാണ് ...വലിയൊരു പ്രാപഞ്ചിക സത്യം ഇതിൽ ഒളിഞ്ഞിരിപ്പുണ്ട് ...അതായത്  ദേഷ്യത്തെ ദേഷ്യം കൊണ്ടോ വെറുപ്പിനെ പകരം വെറുപ്പിനെക്കൊണ്ടോ അല്ല ജയിക്കേണ്ടത്...അഥവാ ശമിപ്പിക്കേണ്ടത് ...പകരം ദേഷ്യത്തെ ക്ഷമകൊണ്ടും വെറുപ്പിനെ സ്നേഹം കൊണ്ടും ശമിപ്പിക്കാം ...അഥവാ കീഴ്‌പെടുത്താം...അങ്ങിനെ തന്നെയാണ് അതുമാത്രമാണ് അതിന്റെ യഥാർത്ഥ പോംവഴി എന്ന് സാരം..ചിലപ്പോൾ നാം മറ്റുള്ളവരെ ദേഷ്യത്താൽ കീഴ്പെടുത്തുമ്പോൾ ഓർക്കുക അവർ കീഴടങ്ങുന്നത് അവർക്കു മറ്റ് വഴികൾ ഇല്ലാഞ്ഞിട്ടാണ് ...അപ്പോൾ കീഴടങ്ങുന്ന അവരുടെ ദേഷ്യം മറ്റൊരു രൂപം പ്രാപിക്കും...പക ..അതവിടെ കിടന്നു പുക...

ഒരു മഹത്തായ വളി ...അഥവാ ഒരു വളി കഥ

വളിയെന്നു കേട്ട് ആരും മുഖം ചുളിക്കണ്ട ...വളി ഒരു വലിയ പ്രപഞ്ച സത്യമാണ് ...ഊർജത്തിൻറെ ഊർദ്ധ പ്രവാഹമാണ് $#########💪😛😝😜                പ്രവാസികളുടെ ഞായറാഴ്ച്ച നാട്ടിലെ തിങ്കളാഴ്ച്ചയ്ക്കു സമമാണ് ...രണ്ടുദിവസത്തെ അവധിയും കഴിഞ്ഞു ചെറിയൊരു മടിയാണ് ഞായറാഴ്ച രാവിലെ അനുഭവപ്പെടുക ...പിന്നെ moneyexchange ലെ സുന്ദരികളുടെ മുഖങ്ങൾ ഓര്മവരുമ്പോൾ എല്ലാ മടിയും പമ്പ കടക്കും ...പതിവുപോലെ രാവിലെ ചായയും മൊത്തികുടിച്ചു കൂടെയുള്ള ഫിലിപ്പൈൻ മൊഞ്ചത്തിയുമായി പഞ്ചാരയടിച്ചു കൊണ്ടിരിക്കുമ്പോഴാണ് തൊട്ടടുത്തുള്ള ഡെന്റിസ്റ്റിന്റെ റൂമിൽ നിന്നും പട്ടിമോങ്ങുന്നത് പോലെ ഒരു കരച്ചിൽ കേട്ടത് ...കൂടെയുള്ള ഫിലിപ്പിനോ പയ്യൻ പറഞ്ഞു പട്ടിയെങ്ങാൻ പെറ്റു കിടക്കുന്നുണ്ടാകും ...രണ്ടു ദിവസം അവധിയായിരുന്നല്ലോ ...കുശാലായി ഒരാഴ്ചത്തേക്ക് പട്ടി ഫ്രൈ ചെയ്യാം ...കഷ്ടം ...അതുവരെ പഞ്ചാരയടിച്ചോണ്ടിരുന്നവൾ ഇതൊക്കെയാണല്ലോ ദൈവമേ കഴിക്കുന്നത് എന്നോർത്തപ്പോൾ തന്നെ ഓക്കാനം വന്നു ...അവരുടെ കൂടേ ഡെന്റിസ്റ്റിന്റെ റൂമിലേക്ക് പോയതും കണ്ട കാഴ്ച്ച രസാവഹകമായിരുന്നു ...ഒരു തമിഴ് സംസാരിക്കുന്ന ഒരു പാവം തൊഴിലാളിയ...

ഒരവിഹിതത്തിന്റെ കഥ

പണ്ട് നമ്മൾ തേച്ചുപോയ പെണ്ണ് നമ്മുടെ കല്യാണമൊക്കെ കഴിഞ്ഞു സ്വസ്ഥമായി അതിലേറെ ഭാര്യയുടെ മുന്നിൽ മഹാമാന്യഗുൽഗുലൻ (പുതിയവാക്കു ഫ്രം ജ്യോതിഃ ഡിക്ഷണറി )ആയി നടക്കുമ്പോൾ അപ്രതീക്ഷിതമായി നമ്മുടെ അയൽക്കാരിയായി രംഗപ്രവേശനം ചെയ്താലുള്ള അവസ്ഥയെക്കുറിച്ച് ആലോചിച്ചിട്ടുണ്ടോ ?അങ്ങനെയൊരു രസകരമായ അനുഭവമാണ് നമ്മുടെ കഥാനായകൻ ജോജോയ്ക്കുണ്ടായത് .ജോജോ പൂവാലശസ്ത്രത്തിൽ phd എടുത്തയാളാണ് ...കുശുമ്പി പെണ്ണുങ്ങൾ അഥവാ പഴയ കാമുകിമാർ തേപ്പുകാരൻ എന്നും അയാളെ വിശേഷിപ്പിക്കാറുണ്ട് .തേപ്പുകാലമൊക്കെ കഴിഞ്ഞു ഒരു arranged മാര്യേജ് ഒക്കെ കഴിഞ്ഞു കുടുംബവുമായി മനസമാധാനത്തോടെ ജീവിച്ചുപോവുമ്പോഴാണ് തൊട്ടു താഴെയുള്ള വില്ലയിൽ വില്ലത്തിയായി പഴയ കാമുകിയെത്തുന്നത് .ആരോ പുതിയ താമസക്കാർ എത്തിയിട്ടേണ്ടെന്നറിഞ്ഞു മലയാളിയുടെ favourite ഹോബ്ബിയായ ഒളിഞ്ഞുനോട്ടം വഴി ഇടം കണ്ണിട്ട് എത്തിനോക്കിയതായിരുന്നു ജോജോ ...പുതിയ സുന്ദരിയായ താമസക്കാരിയെയും കെട്ടിയോനെയും കണ്ടതും ജോജോയുടെ ദേഹമാസകലം ഒരു ഇലക്ട്രിക്ക് ഷോക്കടിച്ചപോലെ തോന്നി .കൂട്ടത്തിൽ എന്താ ചേട്ടാ ചന്തിയിൽ കുന്തമുന കുത്തിയ പോലെ നിക്കണത് എന്ന ഭാര്യയുടെ താങ്ങു കൂടി ആയപ്പോഴേക്കും അയാൾ വല്ലാതെയായ...