എന്താണെന്നറിയാത്തൊരു വെമ്പൽ ...അത് മനുഷ്യസഹജമാണ് ..എങ്കിലും പ്രായം ഏതാണ്ട് മുപ്പത് പിന്നിട്ടപ്പോഴാണ് അയാൾക്ക് ഈയിടെയായി ഒരു രണ്ടാം കെട്ടിനെകുറിച്ചൊരു അഭിനിവേശം സിരകളിലൂടെ പടർന്നു കേറിതുടങ്ങിയത് ...സോഷ്യൽ മീഡിയയുടെ അതിപ്രസരം കാരണമാകാം ഈയിടെയായി കക്ഷി സോറി _ കക്ഷി എന്ന വാക്ക് ഒരു സുഖം പോരാത്തതിനാൽ ഞാൻ പുതുതായി ഒരു വാക്ക് മലയാള ഭാഷയ്ക്ക് സംഭാവനനൽകുന്നു ...കക്ഷൻ.പുല്ലിംഗമാണ്_ .അപ്പോൾ എന്തായാലും നമ്മുടെ കഥാപാത്രം ഈയിടെയായി യൂട്യൂബിൽ തരംഗം തീർക്കുന്ന പുതുമുഖ ന്യൂ ജനറഷൻ പയ്യൻ രണ്ടുകെട്ടി രണ്ടു ഭാര്യമാരെയും ഒരേവീട്ടിൽ മാനേജ് ചെയ്യുന്ന വീഡിയോ കണ്ടിട്ടാകാം ചിലപ്പോൾ ഒരു പെണ്ണുകൂടി കെട്ടിയാലെന്താ എന്നൊരു മോഹം നാമ്പിട്ടത് .മോഹം കലശലായപ്പോൾ അതൊന്നു ഭാര്യയോട് എങ്ങിനെയും അവതരിപ്പിക്കണമെന്നായി ...അത് വരെ അമ്പലങ്ങളിൽ പെൺപിള്ളേരെ വായ്‌നോക്കാൻ മാത്രം പോയി ശീലമുള്ള അയാൾ ഭാര്യയുടെ ശ്രദ്ധ പിടിച്ചുപറ്റാനായി ശ്രീകൃഷ്ണ ക്ഷേത്ര നിത്യ സന്ദർശകനായി ...പുരാണങ്ങൾ വായന തുടങ്ങി..എപ്പോഴും ഒരുപാടു തോഴികളുണ്ടായിരുന്ന കൃഷ്ണനെയും രണ്ടു കല്യാണം കഴിച്ച അര്ജുനനെയും പറ്റി ഭാര്യയോട് സ്വതവേ കൃഷ്ണ ഭക്തയായ ഭാര്യയോട് നിത്യവും ചർച്ചകളായി ...ഫുൾ ടൈം ഓൺലൈൻ ആയിരുന്ന കെട്ടിയോന് തന്നോട് പെട്ടെന്ന് സംസാരം തുടങ്ങിയത് കണ്ടു പാവം ഭാര്യ മുന്താണിപോയ സാരിയെപോലെ അകെ കുഴഞ്ഞു ഒരു പരുവത്തിലായി .അല്ലേലും ഭക്തി മനുഷ്യർക്ക് കൂടുന്നത് ഉഡായിപ്പുകൾ ഒളിപ്പിക്കുവാനോ അല്ലെങ്കിൽ എന്തേലും കള്ളത്തരങ്ങൾ ചെയ്യാനോ ആയിരിക്കും മിക്കവാറും .
എങ്ങനെ ഇക്കാര്യം ഭാര്യയോടാവതരിപ്പിക്കും എന്ന് കുണ്ടികുത്തി ആലോചിച്ചിട്ടും (സോറി ഓപ്പോസിറ്റ വേർഷൻ ഓഫ് തലകുത്തി ആലോചിക്കൽ )ഒരെത്തും പിടിയും അയാൾക്ക് കിട്ടിയില്ല.അപ്പോഴാണ് അയാൾക്ക് 4 കെട്ടിയ മാമ്മദിക്കയെ ഓര്മ വന്നത് ...നേരെ അങ്ങോട്ട് വച്ച് പിടിച്ചു...മമ്മദിക്കയാണ്‌ അയാളോട് ന്യൂജനറേഷൻ മീഡിയ വഴി ഡിപ്ലോമാറ്റിക് ആയിട്ട് കാര്യം അവതരിപ്പിക്കാൻ ഉപദേശം കൊടുത്തത് .കാര്യം അയാൾക്ക് ക്ഷ ബോധിച്ചു ....വീട്ടിലെത്തി സ്മാർട്ട് ടീവി യിലെ നിത്യവും കാണുന്ന യൂട്യൂബ് അക്കൗണ്ടിൽ ഫുൾ ടൈം മുകളിൽ പറഞ്ഞ രണ്ടുകെട്ടിയ ന്യൂജനറേഷൻ കാരന്റെ വീഡിയോ സ്ഥിരമായി കാണാൻ തുടങ്ങി ...അപ്പോൾ ഭാര്യയും ലേശം ശ്രദ്ധിക്കാൻ തുടങ്ങി ...സാവധാനം പുള്ളിക്കാരൻ പറയാൻ തുടങ്ങി ദേ രണ്ടുഭാര്യമാർ ഉള്ളതുകൊണ്ട് ആ വീട്ടിൽ എന്ത് ഐക്യമാ ...അടുക്കളപ്പണി പെട്ടെന്ന് കഴിയും അവരാ ണെങ്കിൽ എന്തൊരു ഐക്യത്തിലാണ് ..കണ്ടിട്ട് അസൂയ തോന്നുന്നു ...അല്ല ഈയിടെയായി നീ അടുക്കളപ്പണി ചെയ്തു മടുത്തു എന്നും മറ്റും പറയാറുണ്ടായിരുന്നല്ലോ ...ഇവർക്കാ പ്രശ്നം കാണില്ലാല്ലേ എന്നും പറഞ്ഞു ബുദ്ധിപരമായി അയാൾ കാര്യം പറയാതെ പറഞ്ഞു ...ഭാര്യയാണെങ്കിൽ ഒന്നും മനസ്സിലാകാത്തപോലെ ശരിയാ എന്നും പറഞ്ഞു അർത്ഥഗർഭമായി ഇരുത്തി മൂളി ..അയാൾ മനസിലെ ലഡുവിനെ പൊട്ടാതെ അടക്കിപിടിച്ചുകൊണ്ട് മന്ദം മന്ദം ചന്തിയും ചൊറി ഞ്ഞു കിടപ്പറയിലേക്ക് പോയി .
മധുവിധുവിനെ കുറിച്ചുള്ള മധുര സ്വപ്നങ്ങളുമായി അയാൾ പതിയെ ഉറക്കത്തിലോട്ട് വീണു പോയി .ഉറങ്ങി എണീറ്റയുടൻ ഭാര്യയെ ഒന്നുകൂടി ഡിപ്ലോമാറ്റിക് ആയി കാര്യം ഓര്മപ്പെടുത്താൻ അയാൾ TV യിൽ യൂട്യൂബ് PLAY ചെയ്തതും ആദ്യം വന്നത് 22female kottayam എന്ന ഫെമിനിസ്റ്റുകളുടെ പ്രിയ സിനിമ ..എന്തോ ഒരു പന്തികേട് മണത്തതും അയാൾ ഭാര്യയെ തിരക്കി കിച്ചണിലേക്ക് കുതിച്ചു ...ഭാര്യ ശൃംഗരിച്ചുകൊണ്ട് പക്ഷെ സ്വല്പം ഗൗരവത്തിൽ അയാളോട് പറഞ്ഞു ..ചേട്ടാ ഈ പിക്ചർ ഫ്രെയിം ഒന്ന് നമ്മുടെ ബെഡ്‌റൂമിൽ തൂക്കിയിടമോ ..ഇത് കണികണ്ടുകൊണ്ട് എഴുന്നേറ്റാൽ ഐശ്വര്യമാണെന്നാണ് 304 ലെ റോസമ്മ പറഞ്ഞത് ..റോസമ്മ പേരിൽ മാത്രം റോസുള്ള കെട്ടിയോന്റെ കരണം അടിച്ചു പൊട്ടിച്ച ഫെമിനിസ്റ്റുകളുടെ ജാക്കിച്ചാനായ ഫ്ലാറ്റ് 304 ലെ റോസമ്മ ...പണ്ടൊരിക്കൽ അറിയാതെ ഒന്ന് വായ് നോക്കി പോയതിന് മാക്സിപൊക്കി കാണിച്ച കൂതറ ...ദൈവമേ അപകടം മണത്തു അല്ല ഉറപ്പായി ..അയാൾ വിറയാർന്ന കൈകളോടെ ആ പിക്ചർ ഏറ്റുവാങ്ങി ഇടകണ്ണിട്ടു അതിലേക്കു നോക്കി ...22female കോട്ടയം ഫിലിമിലെ ഒരു ക്ലൈമാക്സ് രംഗം കളർ പ്രിൻറ് എടുത്ത് വച്ച് ഭദ്രമായി ലാമിനേറ്റ് ചെയ്തിട്ടുണ്ട് ...കൂടാതെ അതിന് താഴെ നായികയുടെ ഫോട്ടോക്ക് താഴെ ഇവൾ ഈ വീടിന്റെ ഐശ്വര്യം എന്ന് ഹിന്ദു ഭവനങ്ങളിൽ ദൈവങ്ങളുടെ ഫോട്ടോ വയ്ക്കും പോലെ എഴുതിയിട്ടുമുണ്ട് ...ഏതാണ്ടയാൾക്ക് എല്ലാം മനസിലായി ...ഭദ്രമായി ഫോട്ടോ ചുവരിൽ തൂക്കി ഫോട്ടോയെ നോക്കി തൊഴുകൈയ്യോടെ നിൽക്കുമ്പോളും അടിവയറ്റിൽ നിന്നുള്ള ആന്തൽ
വിട്ടുമാറുന്നുണ്ടായിരുന്നില്ല ...ഭാര്യമാർ രാഷ്ട്രീയക്കാരേക്കാളും ഡിപ്ലോമാറ്റിക് ആണല്ലോ എന്ന് അയാൾ മനസ്സിൽ ഓർത്തു
കൂട്ടുകറി :ഈ കഥയ്ക് ആരുമായും ഒരു ബന്ധവുമില്ല ...അഥവാ ഉണ്ടെന്ന് തോന്നിയാൽ --- അങ്ങ് സഹിച്ചുകൊള്ളുക --ആ എന്ത് ചെയ്യുവാൻ എല്ലാ കള്ളത്തരങ്ങളും മറയിട്ടു എല്ലാകാലത്തും മൂടിവെയ്ക്കാനാവില്ലല്ലോ
രചന :ജ്യോതിഷ് പി ആർ
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ