പഞ്ചബാണങ്ങൾ

• സ്നേഹബന്ധങ്ങൾക്കിടയിൽ പിണക്കങ്ങളും ഇണക്കങ്ങളും അനിവാര്യമാണ്...കാറ്റിലും മഴയിലും പിടിച്ചുനിൽക്കുന്ന ചെടികളെ പടുവൃക്ഷങ്ങളായി വളരൂ ....അതുപോലെ വഴക്കും വക്കാണവുമില്ലാത്ത സ്നേഹബന്ധങ്ങൾ വെറും ബന്ധനങ്ങളായി  പാഴ്ച്ചെടികളായി കാറ്റിലും കോളിലും കടപുഴകി ഒലിച്ചു പോകും !!!!
• സ്നേഹബന്ധങ്ങൾ തീവ്രമാകുമ്പോൾ പിണക്കത്തിന്റേയും പറയുന്ന വാക്കുകളുടെയും മൂർച്ചയും കൂടും ....പക്ഷെ യഥാർത്ഥ സൗഹൃദങ്ങൾക്കിടയിൽ അവ മറക്കാനും പൊറുക്കാനും മഞ്ഞുരുകാനുള്ള നിമിഷത്തിന്റെ ദൈർഘ്യം പോലും വേണ്ട .
• ചിലപ്പോൾ രക്തബന്ധങ്ങളെക്കാൾ ബന്ധുത്വം കാണും നല്ല സൗഹൃദങ്ങൾക്ക് ....രക്തബന്ധങ്ങൾ നമ്മുടെ തിരഞ്ഞെടുപ്പല്ല വന്നുചേരുന്നതാണ് ...എന്നാൽ സൗഹൃദങ്ങൾ നമ്മൾ മാറ്റുരച്ചു നോക്കി വിശ്വാസപൂർവം നെഞ്ചോടുചേർക്കുന്ന നമ്മുടെ തന്നെ തെരഞ്ഞെടുപ്പുകളാണ് 
• ആട്ടിയകറ്റിയാലും ഒരുവേള കാർക്കിച്ചു തുപ്പിയാലും നമ്മെ വിട്ടുപോകാതെ തിരിച്ചുവരുന്നവരെ വിശ്വസിക്കാം ....കാരണം അത്രമേൽ നമ്മുടെ മൂല്യം അവർക്കറിയാം ....അവരെ കാണു ഒരുവേള നമ്മൾ കാലിടറി വീഴുമ്പോൾ താങ്ങാവാനും തണലാവാനും 
• നാം സ്നേഹിക്കുന്നവരെയല്ല നമ്മെ സ്നേഹിക്കുന്നവരെ നമ്മുടെ മൂല്യമറിയുന്നവരെ സ്നേഹിക്കുക ...മറ്റുള്ളവർക്ക് കളിച്ചുതീരുമ്പോൾ വലിച്ചെറിയാനുള്ള ഒരു കളിപ്പാട്ടം മാത്രമാണ് നാം ...എന്നാലോ നമ്മുടെ മൂല്യം മനസിലാക്കി നമ്മെ സ്നേഹിക്കുന്നവർക്ക് നമ്മളെന്നും വിലമതിക്കുന്ന രത്നഖനിയായിരിക്കും