ENTE KURIPPUKAL

ചില നറുപുഞ്ചിരികൾ നറുനിലാവിൻ വെളിച്ചമായ്  ഹൃദയ ഭിത്തികളിൽ  നറുരാഗങ്ങൾ പടർത്തിടും  അറിയാതെ വിടരുന്ന പ്രണയ പുഷ്പങ്ങൾ  പറയാതിരിക്കിലും മൗനമായ്  ആരുമറിയാതെ മൗനപ്രണയമായ്  നേർത്തൊരു തെന്നലിൻ കുളിര്മയായ്  ഓർമയുടെ ഇടവഴികളിൽ  മഴയിൽ നനഞ്ഞൊരു പുതുതളിരായ്  താനെ ഉയിർത്തു വന്നീടും !!! നിനക്കായ് നിനക്കുമാത്രമായ്  നിയമത്തിന്റെ വേലിക്കകത്തുനിന്നിതാ  നൽകുന്നു ഞാനീ പ്രണയ ചുംബനം നിൻറെ ശ്വാസനിശ്വാസങ്ങൾ എന്റെ ഇടനെഞ്ചിൽ നനവുപടർത്തുമ്പോൾ ഒരുവേള ഞാൻ പോലുമറിയാതെയെൻ നയനങ്ങളിൽ അശ്രു വിരുന്നുവന്നുകൊണ്ടേയിരുന്നു വിടപറഞ്ഞകലുന്ന വേളയിലും  വിതുമ്പലോടെ നീ പറഞ്ഞ വാക്കുകൾ  ഇടനെഞ്ചിലിന്നും പെരുമ്പറ കൊട്ടുന്നു  പ്രണയിനി നിൻ പ്രണയത്തിനുപകരമായ്‌  പ്രണയമോടെ നൽകുന്നു ഞാനീ ചുടുചുംബനം രചന :ജ്യോതിഷ്  പി ആർ